Ауа райы
Астана 1 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

Қазақстан мен Италияның Әскери-теңіз күштері ынтымақтастық мәселелерін талқылады

2019 жылдың 4 маусым 2019 14:20

НҰР-СҰЛТАН. ҚазАқпарат - Қазақстанның және Италияның Әскери-теңіз күштерінің өкілдері екіжақты әскери ынтымақтастық мәселелерін талқылады. Бұл туралы ҚР Қорғаныс министрлігінің баспасөз қызметінен мәлім етті, деп хабарлайды ҚазАқпарат.

«Әскери ынтымақтастық жоспарына сәйкес, Нұр-Сұлтан қаласындағы Ұлттық әскери-патриоттық орталықта Қазақстан Республикасының және Италия Республикасының Әскери-теңіз күштері өкілдерінің кездесуі өтті. Оның аясында тараптар 2019 жылға арналған Әскери ынтымақтастық жоспарында көрсетілген Әскери-теңіз күштерінің бағыты бойынша жүргізілетін алдағы іс-шараларды талқылады. Әсіресе Қазақстанның Әскери-теңіз күштерінің осы жылдың екінші жарты жылдығында Венеция қаласында өтетін Әскери-теңіз күштерінің XII симпозиумына қатысу мүмкіндігі сөз болды», - делінген баспасөз хабарламасында.

Бұдан бөлек қазақстандық әскери теңізшілердің Италияның Әскери-теңіз күштерінің суасты минасыздандыру саласындағы сарапшыларымен кездесулерін ұйымдастыру мәселесі қарастырылды.

Кездесу нәтижесі бойынша Әскери-теңіз күштерін дамыту саласындағы ынтымақтастықтың перспективалы бағыттары анықталды.

Жоғары қарай