Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстан мен Моңғолия арасында тікелей әуе рейсі ашылды

2022 жылдың 16 наурыз 2022 17:38

АЛМАТЫ. ҚазАқпарат - Алматы қаласы әуежайында Моңғолияның «Хунну эйр» әуе компаниясының Алматы - Ұлан-Батыр бағытындағы жаңа халықаралық рейсінің ашылуына арналған салтанатты шара өтті, деп хабарлайды ҚазАқпарат.

Іс-шараға Моңғолияның Қазақстандағы Төтенше және Өкілетті Елшісі Д.Баярхуу, Моңғолия азаматтық авиация бас басқармасының әуе көлігін реттеу және саясат департаментінің директоры Г.Батбаяр, Моңғолия азаматтық авиация департаментінің аэронавигация және әуежай бөлімінің директоры Ч.Одгэрэл, «Хунну эйр» әуе компаниясы директоры П.Монхжаргал, ҚР Индустрия және инфрақұрылымдық даму министрлігі азаматтық авиация комитетінің төрағасы Т.Ластаев, Алматы қаласы әкімдігінің басшылығы қатысты.

Индустрия және инфрақұрылымдық даму министрлігінің мәліметінше, Ұлан-Батыр – Алматы – Ұлан-Батыр бағытындағы рейстер аптасына бір рет, сәрсенбі күндері 98 орындық Е-190 әуе кемесімен орындалады.

Рейстердің ашылуы екі ел азаматтарына Қазақстан мен Моңғолия арасында кедергісіз саяхаттауға, сондай-ақ сауда-экономикалық, туризм мен іскерлік әріптестікті дамытуға ықпал етеді.





Жоғары қарай