Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстан Сыртқы істер министрінің орынбасары Мажарстан Елшісін қабылдады

2021 жылдың 22 қыркүйек 2021 20:50

НҰР-СҰЛТАН. ҚазАқпарат – Қазақстан Сыртқы істер министрінің орынбасары Ерлан Әлімбаев еліміздегі дипломатиялық миссиясының аяқталуына байланысты Мажарстанның Елшісі Михай Галошфаимен кездесті, деп хабарлайды ҚР СІМ баспасөз қызметі.

Е. Әлімбаев қазақ-мажар стратегиялық ынтымақтастығының қазіргі ахуалы мен келешегіне жоғары баға беріп, Қазақстан тарапының оны екіжақты негізде де, халықаралық аренада да одан әрі нығайтуға мүдделілігін білдірді.

Министрдің орынбасары М.Галошфайдың екі ел арасындағы саяси, сауда-экономикалық және мәдени ынтымақтастықты дамытуға қосқан елеулі үлесін атап өтіп, оған ҚР СІМ Құрмет грамотасын табыс етті.

Өз кезегінде, Мажарстан Елшісі еліміздегі дипломатиялық миссиясы барысында тұрақты қолдау көрсеткені үшін Қазақстан Үкіметіне шынайы ризашылығын білдірді.


Жоғары қарай