Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстанда 8,8 млн адам жұмыспен қамтылған - статистика

2021 жылдың 12 қараша 2021 00:14

НҰР-СҰЛТАН. ҚазАқпарат – Қазақстанда пандемияға байланысты кәсіпорынның қызметті тоқтатуына байланысты 3,6 мың адам уақытша жұмыссыз жүр. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті, деп хабарлайды ҚазАқпарат.

2021 жылғы үшінші тоқсанда Қазақстанда 8,8 млн адам еңбекпен қамтылған. Олардың арасында 6,7 миллионы немесе жұмыспен қамтылғандардың жалпы санынан 76,1% - жалдамалы қызметте істейді.

Еліміздегі жұмыссыздар саны – 450,7 мың адам, жұмыссыздық деңгейі – 4,9%.

Ведомство мәліметіне сәйкес, елімізде еңбек нарығы қалпына келе бастады. Мәселен, биылғы үшінші тоқсанда екінші тоқсанмен салыстырғанда негізгі жұмыс орнында жұмыс көлемінің төмендеуіне (толық емес жұмыс күні) немесе жұмыс берушінің бастамасы бойынша аз сағатқа еңбекке тартылғандар саны 5,3 пайызға азайды және 242,9 мың адамды құрады.

Қызметті тоқтату себебіне байланысты уақытша жұмыс істемейтіндер саны 3,6 мың болып отыр. Оның ішінде 19,7% - көлік және жинақтау, 15,5% - тұру және тамақтану бойынша қызмет көрсету, 15,3% - өнер, ойын-сауық және демалыс.

Жұмыспен қамту органдарында 2021 жылғы қазан айының соңына 193,5 мың адам жұмыссыз ретінде ресми тіркелген. Тіркелген жұмыссыздар үлесі жұмыс күші санының 2,1% құрады.


Жоғары қарай