Ауа райы
Астана -14 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда инфляцияның деңгейі төмендейді

2019 жылдың 18 желтоқсан 2019 17:00

НҰР-СҰЛТАН. ҚазАқпарат – ҚР Ұлттық банкі орта мерзімді перспективада инфляция біртіндеп баяулап, 5,0-5,5%-дық деңгейде тұрақтанатынын мәлім етті, деп хабарлайды ҚазАқпарат.

Азық-түлікке жатпайтын тауарлар бағасының баяу өсуіне байланысты инфляцияның болжамы төмен қаралды. Сонымен бірге, келесі жылдың басында ақылы қызметтер бағасының өсу мүмкіндігімен байланысты инфляциялық тәуекелдердің пайда болу ықтималдылығы бар. Алайда, болжам кезеңінде инфляция 4-6% дәлізінде сақталады.

«Инфляцияның баялауына Ресей, ЕО мен Қытайда инфляция нысаналы деңгейлерінен төмен болуы аясында қолайлы ішкі инфляциялық ая, сондай-ақ фискалды ынталандырудан нәтиже төмендеу аясында ішкі сұраныс жағынан қысымның біртіндеп әлсіреуі ықпал етеді», - деп аталған Ұлттық банктің тоқсан сайынғы «Инфляцияға шолу» басылымында.

Қазіргі уақытта Қытайда шошқа етінің ұсынысы төмендеу салдарынан еттің бағасы өсуіне байланысты байқалып отырған инфляцияның үдеуі қысқа мерзімді болып табылады. 2020 жылы әлсіз юаньнің АҚШ долларына қатысты инфляцияны ұлғайтатын қысымына қарамастан, инфляция таргеттелетін деңгейден тағы да төмендейді. Инфляцияны тежейтін негізгі фактор аздаған ішкі сұраныс болады.

2019 жылдың қорытындысы бойынша Ресейде инфляция 3,2%-3,7% болады, ол 2020 жылғы 1-тоқсанда одан әрі 3,0%-дан төмен төмендейді. Инфляцияға ұстамды сұраныстың ықпалы, сондай-ақ бюджеттік ресурстарды қаржыландыруда артта қалу басым болуда.

Осымен қатар, Ұлттық Банктің талдаушылары АҚШ ФРҚ мен басқа орталық банктердің барынша жеңіл риторикасы әлемдік капиталды дамыған елдердің пайдасына қайта бөлу тәуекелін азайтады және дамушы нарықтары бар елдердің, оның ішінде Қазақстанның валютасына қысымды төмендетеді деп атауда.

фото: tp.tver.ru
Жоғары қарай