Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда шамамен 800 адам коронавирусты қайта жұқтырып алды

2021 жылдың 16 маусым 2021 13:06

НҰР-СҰЛТАН. ҚазАқпарат – Қазақстанда шамамен 800 адам коронавирусты қайта жұқтырып алды. Бұл туралы ҚР Денсаулық сақтау министрі Алексей Цой айтты, деп хабарлайды ҚазАқпарат тілшісі.

«Егер адам бір рет ауырса, қайтадан ауырмайды деген түсінік мүлдем қате. Мұны түсінуіміз қажет. Қазақстанда қазіргі уақытта шамамен 800 адам коронавируспен қайтадан ауырып қалған. Олар вакцина алмаған болатын. Жалпы, бұл тек Қазақстанда ғана емес өзге де елдерге тән үрдіс. Еуропада және өзге де елдерде мыңдаған адам қайтадан ауырып жатыр», - деді министр Орталық коммуникациялар қызметіндегі баспасөз мәслихаты барысында.

Оның атап өтуінше, өзіңді және жаныңдағы адамдарды қорғау үшін вакцина алған дұрыс. Әсіресе, бірінші кезекте 60 жастан асқан және созылмалы аурулары бар азаматтар екпе алғаны жөн.

«Біз барлық азаматтарға екпені белсенді түрде алуға кеңес береміз. Инфрақұрылымдық тұрғыда алғанда Қазақстанның әрбір өңірінде, тіпті сауда орталықтарында екпе пункттері ашылған. Өздеріңіз де дүрбелең жоқ екенін көріп отырсыз. Еліміздің барлық азаматы тегін вакцинаның тиесілі дозаны емін-еркін салдыра алады», - деді Алексей Цой.


Жоғары қарай