Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстандағы металл қалдықтарының басым бөлігі отандық кәсіпорындарда өңделеді

2022 жылдың 12 мамыр 2022 15:34

НҰР-СҰЛТАН. ҚазАқпарат – Шетелге экспортталатын қара металл сынығының көлемі азайды. Бұл туралы ҚР Индустрия және инфрақұрылымдық даму министрлігі Индустриялық даму комитеті төрағасының орынбасары Тұрар Жолмағамбетов мәлім етті, деп хабарлайды ҚазАқпарат тілшісі.

Орталық коммуникациялар қызметіндегі баспасөз мәслихатында тілшілер соңғы 30 жылда елімізде қанша тонна қара және түсті металл сынығы мен қалдықтары шетелге тасымалданғаны туралы сұрады.

Өз кезегінде Тұрар Жолмағамбетов жалпы аталған мерзім бойынша нақты мәліметтерді айта алмайтынын жеткізді.

«Менде дәл қазір нақты соңғы 30 жыл бойынша көрсеткіштер жоқ. Қателеспесем, 2000-шы жылдардағы есеп бойынша жылына 3 млн тоннаға жуық қара металл сынығы елден шығарылатын. Ол жылдары бізде ең басты тұтынушы «АрселорМиттал Теміртау» АҚ болатын. 2008 жылдан бері біраз кәсіпорын пайда болып, металл сынықтары мен қалдықтары ішкі нарықта қайта өңделе басталды. Соңғы жылдары бізде 1 млн тоннаға жуық металл қалдықтары шығарылды. Ал қалған 1,5-1,8 млн тоннасы елімізде өңделіп жатыр», - деді ведомство өкілі.

Бұдан бұрын хабарланғандай, ел аумағынан қара және түсті металдардың сынықтары мен қалдықтарын шығаруға уақытша тыйым салынды.

Тұрар Жолмағамбетов Ресейден дайын металл өнімдері қымбат бағаға импортталып жатқанын айтты.



Жоғары қарай