Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қазақстандық 12 жасар әнші қыз Ресейдің «Голос. Дети» байқауына жолдама алды

2021 жылдың 7 наурыз 2021 02:54

НҰР-СҰЛТАН. ҚазАқпарат – 12 жастағы Екатерина Табарина ресейлік «Голос. Дети» байқауының кезекті маусымына қатысады, деп хабарлайды ҚазАқпарат.

Жас әнші 1971 жылы жарық көрген «Джентльмены удачи» фильміндегі «Проснись и пой» әнін орындады. Оған танымал ресейлік орындаушы Баста (Василий Вакуленко) жетекші болады және байқауда бағыт-бағдар беріп отырады.

«Маған әннің өзі ұнамады, бірақ сенің ән шырқауың ұнады. Енді жыламаймын деп уәде бер. Әйтпесе менің де екі қызым бар, олар жыласа, мейірімді, күлкілі атайға айналамын. Командаға қош келдің», - деп қолдау білдірді ресейлік музыкант.

Екатерина Табарина 2008 жылы 20 қыркүйекте Нұр-Сұлтан қаласында көпбалалы отбасында дүниеге келген. Қазір № 3 мектеп-гимназиясының оқушысы. «Аялаған Астана», «Бақытты бала», «Бала дауысы» ән байқауларына қатысқан.

«Менің ата-анам, екі бауырым және бір әпкем бар. Бәріміз бірге қыдырғанды жақсы көреміз. Қыста шаңғы, коньки тебеміз, жазда велосипед айдаймыз. Мені мектепте әнші деп атайды. Карантин кезінде отбасыма қолдан маска тігіп бердім», - дейді Екатерина 1 арнаға берген сұхбатында.


Автор Айжан Серікжанқызы
Басты сөздер: Қоғам, Өнер, Мәдениет,
Жоғары қарай