Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстандық оқушысы есту қабілеті нашар адамдарға арналған мобильді қосымша ойлап тапты

2021 жылдың 8 қазан 2021 22:39

НҰР-СҰЛТАН. ҚазАқпарат – Елордалық 11 сынып оқушысы Хақназар Әбілда есту қабілеті нашар адамдарға арналған дыбысты мәтіндеу функциясы бар мобильді қосымшаны ойап шығарды, деп хабарлайды ҚазАқпарат Нұр-Сұлтандағы Халықаралық мектептің баспасөз қызметіне сілтеме жасап хабарлайды.

Python бағдарламалау тіліндегі қосымша суреттегі/фотодағы жазуды және дауысты мәтінге айналдырады. Оқушының айтуынша, виртуалды ассистент және мәтінді тануға арналған сканер құлағы кеміс адамдардың өмірін жеңілдетіп қана қоймай, смартфон қолданушыларының күнделікті өмірінде де септігін тигізеді.

«Менің ойымша, ұсынылған жоба қоғам үшін пайдалы болмақ: мүмкіндігі шектеулі адамдар үшін де, қарапайым пайдаланушыларға да. Олар мәтінді қолмен теріп отырмай, оны жай ғана дыбыстаса болғаны. Сондай-ақ, мобильді қосымшада мәтінді сол уақытта аудару функциясы қарастырылған. Виртуалды ассистент барлығы 20 шақты функцияны орындайды», - дейді Хақназар Әбілда.

Оқушының жұмысы Қазақстан Тәуелсіздігінің 30 жылдығына арналған NIS оқушылар арасындағы «Туған елге тағзым» желілік байқауында жоғары бағаланғанын айта кету қажет. Ол 21 мектептен келген 46 үздік жұмыстың ішінде топ жарды.

Жас новатордың айтуынша, болашақта ол қосымшаны Play Market және App Store платформаларында іске қосуды және зағип адамдарға арналған функцияларды қосуды жоспарлап отыр.

Дүниежүзілік денсаулық сақтау ұйымының мәліметінше, әлемде адамдардың 5%-нан астамы есту қабілетінен зардап шегеді. Ал, елімізде олардың саны 150 мыңға жуық.


Жоғары қарай