Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстандық теннисші Италиядағы Парма турнирінің жартылай финалына шықты

2021 жылдың 27 мамыр 2021 19:41

НҰР-СҰЛТАН. ҚазАқпарат – Қазақстандық теннисші Александр Недовесов жұптық сында Парма (Италия) ATP 250 турнирінің жартылай финалына шықты, деп хабарлайды ҚазАқпарат тілшісі.

Чехиялық Роман Жебавымен жұптасқан А.Недовесов ширек финалда осы жарыстың 1-ракеткалары, бельгиялықтар Сандер Жилле – Йоран Флигенмен кездесуі керек еді.

Алайда бельгиялықтар матчқа келмей қалды да, А.Недовесов пен Р.Жебавы ойнамастан жартылай финалға өтті. Енді олар финалға шығу үшін италиялық Симоне Болелли – аргентиналық Максимо Гонсалес немесе аустралиялық Макс Пёрселл – Люк Сэвилл жұптарының қай жеңгенімен таласады.

Жұптық дода финалы 29 мамырға белгіленген.

Еске сала кетейік, бұдан бұрын қазақстандық теннисшінің Португалиядағы турнирдің ширек финалына шыққанын жазған болатынбыз. Ал Ю.Путинцева Страсбург турнирінің жартылай финалына өте алмады.





Автор Елжан Ералы
Басты сөздер: Спорт,
Жоғары қарай