Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстандық теннисшілер әлемдік рейтингіде жоғары көтерілді

2022 жылдың 21 наурыз 2022 13:43

НҰР-СҰЛТАН. ҚазАқпарат – Қазақстандық теннисшілер бүгін жаңартылған әлемдік рейтингіде жоғарылады, деп хабарлайды ҚазАқпарат тілшісі.

Қазақстан теннис федерациясы мәлім еткендей, еліміздің ерлер арасындағы бірінші ракеткасы Александр Бублик 33-тен 32-сатыға көтерілді.

Тимофей Скатов пен Бейбіт Жукаев өздерінің жеке рекордтарын жасады. Т.Скатов бірден 28 сатыны артқа тастады, қазір ол 193-орында. Б.Жукаев 597-ден 500-ге секірді.

Михаил Кукушкин 158-орында қалса, Дмитрий Попко 175-інші, Денис Евсеев 338-інші, Григорий Ломакин 805-сатыда тұр.

Жұптық сында Андрей Голубев үздік 25-ке қайта оралды, Александр Недовесов 65-тен 63-ке ауысты.

Әйелдер арасында Қазақстанның бірінші ракеткасы Елена Рыбакина Индиан-Уэллс мастерс турнирінің ширек финалына дейін жетуі арқасында 20-дан 18-орынға көтерілді.

Юлия Путинцева 47-інші, Зарина Дияс 112-орнында қалды. Жібек Құламбаева 499-дан 491-ге жоғарылады.

Жұптық сында Анна Данилина 22-орнын сақтап қалды.

Қазақстандық теннисшілер осы аптадағы жарыстарда табысты өнер көрсетсе, рейтингісін жақсарта түсетіні анық.

Еске сала кетейік, бұдан бұрын Андрей Голубевтің Индиан-Уэллс мастерс турнирінің финалына шыға алмағанын жазған болатынбыз.


Автор Елжан Ералы
Басты сөздер: Спорт, Рейтинг,
Жоғары қарай