Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстандық теннисшілер Хорватиядағы турнирдің ширек финалына шықты

2021 жылдың 14 сәуір 2021 23:24

НҰР-СҰЛТАН. ҚазАқпарат – Қазақстандықтар Александр Недовесов пен Андрей Голубев жұптық сында Хорватиядағы Сплит 2 челленджер турнирінің ширек финалына шықты, деп хабарлайды ҚазАқпарат тілшісі.

Қазақстандық жұп бұдан бір апта бұрын Сплиттегі осындай бірінші жарыста жеңімпаз атанған болатын.

Бұл жолы доданың 2-ракеткалары болып тіркелген А.Недовесов пен А.Голубев бастапқы кездесуін корт иелері Борна Гойо – Нино Сердарушичпен өткізді.

Бірінші партияда тай-брейкте хорватиялық жұптың жолы болды – 7:6 (8:6).

Екінші сетте қазақстандықтар әбжілдік танытты – 7:6 (7:4).

Шешуші тай-брейкте А.Недовесов пен А.Голубев жеңісті жұлып алды – 10:7.

Тартысты бәсеке 2 сағат 9 минутқа созылды.

Қазақстандық жұп жартылай финалға шығу үшін чехиялықтар Зденек Колар – Лукаш Росолмен таласады. Недовесов пен Голубев Сплиттегі бірінші турнирдің жартылай финалында чехиялық жұпты тартысты кездесуде жеңген болатын.

Еске сала кетейік, бұдан бұрын А.Бубликтің Монте-Карло мастерс турнирінде жеңіліп қалғанын жазған болатынбыз.





Автор Елжан Ералы
Басты сөздер: Спорт,
Жоғары қарай