Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстандық жас теннисші елордада халықаралық турнирдің ширек финалына шықты

2021 жылдың 28 қазан 2021 17:04

НҰР-СҰЛТАН. ҚазАқпарат – Қазақстандық, 21 жастағы Бейбіт Жукаев «Дәулет» теннис орталығында ITF World Tennis Tour M 25 сериясы бойынша өтіп жатқан жарыстың ширек финалына шықты, деп хабарлайды ҚазАқпарат тілшісі.

Қазақстан теннис федерациясы мәлім еткеніндей, Б.Жукаев екінші айналымда отандасы Григорий Ломакинмен бақ сынасты.

Ақтау теннис мектебінің түлегі 1 сағат 8 минутқа созылған матчта 6:2, 6:3 есебімен жеңіске жетті. Б.Жукаев бәсеке барысында 10 эйс жасап, 9 брейк-пойнттың үшеуін пайдаланды.

Бейбіт жартылай финалға шығу үшін канадалық Филипп Пеливомен таласады. Бір апта бұрын қазақстандық теннисші алғашқы айналымда осы спортшыға тартысты матчта 1:6, 6:2, 6:7 (3:7) есебімен есе жіберген болатын. Дегенмен Б.Жукаев сол турнирде ресейлік Андрей Кузнецовпен бірге жұптық сында жеңімпаз атанған еді.

Тағы бір қазақстандық Денис Евсеев елорда додасының екінші айналымында поляк Михал Дембектен 4:6, 4:6 есебімен ұтылып қалды.

Еске сала кетейік, бұдан бұрын Александр Бубликтің Санкт-Петербургте жеңіліп қалғанын жазған болатынбыз.



Автор Елжан Ералы
Басты сөздер: Спорт,
Жоғары қарай