Ауа райы
Астана -23 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қазақстандықтар депозитте қанша қаржы сақтауда

2020 жылдың 29 қазан 2020 11:49

НҰР-СҰЛТАН. ҚазАқпарат – Биылғы қыркүйек айының соңында банк жүйесіндегі депозиттер 21,4 трлн теңгені құрады. Бұл туралы Ұлттық банк төрағасының орынбасары Ақылжан Баймағамбетов мәлім етті, деп хабарлайды ҚазАқпарат тілшісі.

«Биылғы қыркүйектің соңында банк жүйесіндегі депозиттер жыл басынан бері 12,4 пайызға ұлғайып, 21,4 трлн теңгені құрады. Теңгемен салымдар 12,6 трлн теңгеге дейін 16,7 пайызға, валюталық салымдар – 8,7 трлн теңгеге дейін 6,6 пайызға өсті», - деді Баймағамбетов Парламент Сенатының жалпы отырысында.

Оның айтуынша, теңгемен активтерді қорғау бойынша жедел шаралардың нәтижесінде депозиттерді долларландыру 2020 жылғы 9 айдың қорытындысы бойынша 40,9 пайызға дейін (2020 жылғы наурызда 46,7%) төмендеді.

«Ұзақ мерзімді кредиттердің 12,4 трлн теңгеге дейін 4,5 пайызға немесе 529,2 млрд теңгеге өсуі нәтижесінде экономикаға несиелер биылғы қыркүйектің соңында жыл басынан бері 14,3 трлн теңгеге дейін 3,5 пайызға (немесе 480,6 млрд теңгеге) ұлғайды. Қысқа мерзімді кредиттер 2 трлн теңгеге дейін 2,4 пайызға немесе 48,6 млрд теңгеге азайды», - деді ҰБ өкілі.


Жоғары қарай