Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстандықтар жәрдемақыны тұратын жеріне қарамастан кез келген ХҚО-дан рәсімдей алады

2021 жылдың 8 шілде 2021 16:34

НҰР-СҰЛТАН. ҚазАқпарат - Қазақстандықтар әлеуметтік төлемдерді тұрғылықты тіркеуге қарамастан кез келген ХҚО-дан рәсімдей алады, деп хабарлайды ҚазАқпарат.

2021 жылдың үшінші тоқсанында әлеуметтік төлемдердің үш түрін ресімдеу үшін мемлекеттік қызметтер көрсетудің экстерриториалды қағидаты енгізіледі.

Қазақстандықтар тұрақты тіркеу мекенжайына қарамастан, еліміздің кез келген ХҚО-сына жүгіне алады.

Бұл туралы орталық коммуникациялар қызметінде өткен брифингте «Азаматтарға арналған үкімет» мемлекеттік корпорациясы төрағасының орынбасары Біржан Жүнісов айтты.

Қазір тұрақты тіркеу жеріне қарасты ХҚО-ға жүгіну – әлеуметтік төлемдерді ресімдеудің басты талабының бірі.

«Мемлекеттік қызметтерді көрсету үдерісін цифрландыру бағыттарының бірі аумақтан тыс қағидатты енгізу. Үшінші тоқсанда осы принциптің арқасында қазақстандықтар баланың туылуына және бала күтіміне байланысты жәрдемақыны, жүктілік пен босануға, жаңа туған сәбиді асырап алуға байланысты кірістерін жоғалтқан жағдайда әлеуметтік төлемдер алуға өтініш бере алады және бір жасқа толған кезде баланы күтуге байланысты табысы жоғалған жағдайда, тіркеу орнына қарамастан, елдің кез келген халыққа қызмет көрсету орталығына құжат өткізе алады. Жыл соңына қарай біз басқа төлемдер бойынша да экстерриториалды қағидатты енгізуді жоспарлап отырмыз» – деді Біржан Жүнісов.

2021 жылдың бірінші жартыжылдығында «Азаматтарға арналған үкімет» әлеуметтік салада 815 мың мемлекеттік қызмет көрсетті.

Жалпы мемлекеттік корпорация төлемдердің 44 түрі бойынша электрондық іс макеттерін қалыптастырады және міндетті зейнетақы, әлеуметтік және медициналық аударымдар бойынша дербестендірілген есеп жүргізеді.


Жоғары қарай