Ауа райы
Астана 7 °С
Алматы 21 °С
валюта бағамы
USD 421.58
EUR 496.83
RUB 5.53
CNY 62.20

Қазақстанға коронавирусты емдеуде тәжірибесі бар Ресейдің әскери дәрігерлер тобы келді

2020 жылдың 6 тамыз 2020 20:27

НҰР-СҰЛТАН. ҚазАқпарат - Қазақстан мен Ресейдің әскери дәрігерлері коронавирус инфекциясымен күрес бойынша бірлескен жұмысқа кірісті, деп хабарлайды ҚазАқпарат тілшісі.

ҚР Қорғаныс министрлігінің баспасөз қызметінен хабарлағанындай, іс-шара екі елдің қорғаныс ведомстволары басшыларының әскери-медициналық ынтымақтастық туралы келісіміне сәйкес жүзеге аспақ. Ол бойынша Нұр-Сұлтан мен Алматы қалаларының әскери клиникалық госпитальдарына COVID-19 коронавирус инфекциясы анықталған пациенттерді емдеуде тәжірибесі бар ресейлік анестезиолог-реаниматолог, инфекционист пен терапевттен тұратын әскери дәрігерлер тобы келді.

Бағдарламада емделушілердің емдеу хаттамаларын зерделеу, әскери дәрігерлердің консультациясымен семинарлар өткізу және инфекциялық ауруларды диагностикалау мен емдеу саласында тәжірибе алмасу көзделген.






Басты сөздер: Коронавирус, Ресей, Әскер,
Жоғары қарай