Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанның 4 өңірінде патогендік зертхана салынбақ

2021 жылдың 16 қыркүйек 2021 16:32

НҰР-СҰЛТАН. ҚазАқпарат – ҚР Денсаулық сақтау министрлігі ШҚО, Түркістан, Атырау облыстары мен Нұр-Сұлтан қаласында ІІ санаттағы патогендік зертхана салуды ұсынып отыр. Ол үшін кемінде 7,7 млрд теңге қажет, деп хабарлайды ҚазАқпарат тілшісі.

Мұндай ұсынысты «Қазақстан Республикасының биологиялық қауіпсіздігі туралы» заң жобасын Мәжіліс депутаттарының алдында таныстырған ҚР Денсаулық сақтау вице-министрі – Бас санитар дәрігер Ерлан Қиясов көтерді.

«Заң жобасы аясында қолда бар зертханалық базаны қосымша жарақтандыруға және жетілдіруге (5,5 млрд. теңге), физикалық қорғанысты жетілдіруге (0,4 млрд. теңге), иммундық-биологиялық препараттарды GMP талаптары бойынша шығару жөніндегі ғимарат салуға (7,7 млрд теңге), сондай-ақ ШҚО, Түркістан, Атырау облыстарында және Нұр-Сұлтан қаласында патогендігі II санаттағы микроорганизмдермен жұмысты жүзеге асыратын 4 зертхана салуға жобалық-сметалық құжаттама әзірлеуге (0,3 млрд теңге) бюджеттен 14,4 млрд теңге жұмсау көзделген», - деді Ерлан Қиясов.

Оның айтуынша, биоқауіпсіздік саласындағы бірыңғай мемлекеттік ақпарат жүйе құру үшін 200 млн теңге керек. Ал микроорганизмдер коллекциясын ұстауға 400 млн теңге бөлу ұсынылып отыр.


Жоғары қарай