Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қазақстанның 7 облысында ауа райына байланысты ескерту жарияланды

2021 жылдың 5 наурыз 2021 19:32

НҰР-СҰЛТАН. ҚазАқпарат – Қазақстанның 7 облысының аумағында ауа райының қолайсыздығына байланысты ескерту жарияланды, деп хабарлайды ҚазАқпарат Қазгидрометке сілтеме жасап.

6 наурызда Қызылорда облысының кей жерлерінде тұман түсуі мүмкін.

Қызылорда қаласында ертең кей уақытта тұман түседі.

6 наурызда Ақмола облысының кей жерлерінде тұман түседі, көктайғақ болады, бұрқасын соғуы мүмкін. Оңтүстік-батыстан жел соғады, түнде күші 15-20, кей жерлерде екпіні 25 м/с жетеді, күндіз кей жерлерде 15-20 м/с күшейеді.

Көкшетауда ертең кей уақыттарда жаяу бұрқасын соғуы мүмкін. Жолдарда көктайғақ болады. Оңтүстік-батыстан жел соғады, күші 15-20, түнде екпіні 23 м/с жетеді.

6 наурызда Қарағанды облысынның кей жерлерінде тұман түсуі мүмкін. Оңтүстік-батыстан жел соғады, кей жерлерінде күші 15-20 м/с жетеді.

6 наурызда Қостанай облысының кей жерлерінде бұрқасын соғады, тұман түседі, көктайғақ болуы ықтимал. Оңтүстік-батыстан соғатын жел солтүстік-батысқа ауысады, күші түнде 15-20, кей жерлерде 23-28 м/с жетеді, күндіз кей жерлерде 15-20 м/с күшейеді.

Қостанай қаласында ертең түнде және күндіз боран соғады. Оңтүстік-батыстан соғатын жел солтүстік-батысқа ауысады, күші 15-20 м/с жетеді.

6 наурызда Солтүстік Қазақстан облысында түнде қар жаууы ықтимал. Кей жерлерде тұман түседі, бұрқасын соғады, көктайғақ болуы мүмкін. Оңтүстік-батыстан, батыстан жел соғады, күші 15-20 м/с, түнде кей жерлерде екпіні 23-28 м/с жетеді.

Петропавлда ертең боран соғады. Оңтүстік-батыстан, батыстан жел соғады, күші 15-20 м/с, түнде екпіні 23-28 м/с жетеді.

6 наурызда Түркістан облысының кей жерлерінде түстен кейін найзағай ойнайды. Түнде кей жерлерде тұман түсуі мүмкін. Оңтүстік-батыстан жел соғады, күндіз кей жерлерде күші 15-20 м/с жетеді.

6 наурызда Батыс Қазақстан облысының кей жерлерінде тұман түседі, бұрқасын соғады, көктайғақ болуы мүмкін. Жел оңтүстік-батыстан соғады, күші кей жерлерде 15-20 м/с жетеді.

Оралда ертең тұман түседі, көктайғақ болуы мүмкін. Жел оңтүстік-батыстан соғады, түнде екпіні 18 м/с жетеді.


Басты сөздер: Ауа райы, Қазгидромет, Аймақ,
Жоғары қарай