Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанның жаңа тарихын білуге арналған онлайн-тест іске қосылды

2021 жылдың 5 тамыз 2021 18:56

НҰР-СҰЛТАН. ҚазАқпарат - Тәуелсіздіктің 30 жылдығын мерекелеу шеңберінде іс-шаралар навигаторы сайтында Қазақстанның жаңа тарихын білуге арналған онлайн-тест іске қосылды, деп хабарлайды ҚазАқпарат 30jyl.kz сайтына сілтеме жасап.

Квизда КСРО ыдырағаннан кейінгі еліміздің даму кезеңдері, 1991 жылдан қазіргі сатыға дейінгі уақыт шежіресі туралы сұрақтар жинақталған.
Жоба ҚР Ақпарат және қоғамдық даму министрлігінің қасындағы жобалық кеңсемен Қазақстан Тәуелсіздігінің 30 жылдығына орайластырылған.
Онлайн-тест 30jyl.kz – ҚР Тәуелсіздігінің 30 жылдығы аясында өткізілетін барлық іс-шаралар туралы анонстар мен жаңалықтар орналастырылатын арнайы сайтта әзірленді. Шілде айынан бастап 30jyl.kz сайтында кез келген интернет қолданушылар тәуелсіз Қазақстан тарихын қаншалықты жақсы білетінін байқап көре алады.
Тестіден өту қорытындысы бойынша әр қатысушы өзінің дербес онлайн-сертификатын алады. Барлық қатысушылардың нәтижелері дұрыс жауаптар саны мен жұмсалған уақыт негізінде қалыптасатын жалпы рейтингке енгізіледі.
Жыл соңында ең нәтижелі қатысушылар естелік сыйлықтарға ие болады.


Жоғары қарай