Ауа райы
Астана 17 °С
Алматы 29 °С
валюта бағамы
USD 412.55
EUR 468.66
RUB 5.79
CNY 58.80

Қазалыда сот отырысы түнде өтті

2018 жылдың 8 желтоқсан 2018 02:40

ҚАЗАЛЫ. ҚазАқпарат - Қазалы аудандық соты «Түнгі сот» пилоттық жобасын іске қосты, деп хабарлайды ҚазАқпарат тілшісі.

Қазалы аудандық соты баспасөз қызметінің өкілі Ақылбек Қазыбекұлының айтуынша, жоба аясында жол-көлік қозғалысы ережелерін бұзған материалдар сағат 18.30-дан 22.00-ге дейінгі аралықта қарауды бастап кетті.

«Әкімшілік іс бойынша автокөлік басқаруға құқығы жоқ күйде азамат Е. «LEXUS RX 300» маркалы автокөлігін басқарған. Оған қоса, ереже бұзушы тежегіш орнына газ педалін басып, тұрғын үйге соқтығысқан. Соның салдарынан жәбірленушілерге материалдық шығын келтірген. Аталған іс бойынша тараптар уақыттарын үнемдеу үшін және істі қарау мерзімін қысқарту мақсатында сот мәжілісін жұмыс уақытынан тыс, яғни «Түнгі сотта» қарау туралы өтініш білдірді», - дейді Ақылбек Қазыбекұлы.

Түнгі сот әкiмшiлiк құқық бұзушылық туралы іс бойынша азамат Е-ге Қазақстан Республикасының ӘҚБтК-нің 610-бабының 3-бөлігімен кінәлі деп танып, оған 101 010 теңге айыппұл салды.

Сот отырысы аяқталған соң іс бойынша тараптар түнгі соттың тиімділігін, даудың тез шешілуін, уақыт үнемділігін, істі жұмыс уақытында бөлінбестен шешуге мүмкіндік беретіндігін жеткізіп, оң бағаларын берді.

Автор Сәрсенқұл Назар
Басты сөздер: Сот, Қызылорда облысы,
Жоғары қарай