Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

«ҚазТранс Ойл» АҚ-на әкімшілік іс қозғалып, тарифі төмендетілді

2021 жылдың 8 қараша 2021 12:04

НҰР-СҰЛТАН.ҚазАқпарат – «ҚазТранс Ойл» АҚ әкімшілік іс қозғалған соң тарифін төмендетті, деп хабарлайды ҚазАқпарат ҚР Энергетика министрлігі Таби,и монополияларды реттеу комитетініңбаспасөз қызметіне сілтеме жасап.

Баспасөз қызметінің мәліметтеріне қарағанда, «Табиғи монополиялар туралы» Қазақстан Республикасының Заңына сәйкес, «ҚазТрансОйл» АҚ-ы табиғи монополия субъектісі ретінде жыл сайын есепті кезеңнен кейінгі жылдың 1 мамырынан кешіктірмей, ҚР ҰЭМ Табиғи монополияларды реттеу комитетіне бекітілген тарифтік сметаның орындалуы туралы есеп беруге міндетті.

Осылайша, «ҚазТрансОйл» АҚ-ның 2020 жылдың Қазақстан Республикасының ішкі нарығына магистралдық құбыр арқылы мұнай айдау қызметіне тарифтік сметаның орындалуы туралы есепті талдау қорытындысы бойынша, шығындары уәкілетті орган бекіткен мөлшерлерден бес пайыздан астам орындалмауы анықталды және Қазақстан Республикасы Ұлттық банкінің қайта қаржыландыру мөлшерлемесін (9,75%) ескере отырып, негізсіз кірістің жалпы сомасы 370 млн. теңгеден астам соманы құрады.

Нәтижесінде, Тңби,и монополияларды реттеу комитеті қосымша құн салығын есепке алмағанда 1000 км-ге 1 тонна үшін 4 355,57-ден 4328,04 теңгеге дейін төмендете отырып, ҚР ішкі нарығына магистралдық құбыр арқылы мұнай айдау қызметтеріне өтемдік тариф енгізді, онда төмендеу 0,63% - ды құрады.

Сондай-ақ, өз кезегінде, «Табиғи монополиялар туралы» Қазақстан Республикасының Заңына сәйкес табиғи монополия субъектісі бекітілген тарифтік сметаны орындауға міндетті.

Осыған байланысты, тарифтік сметаның талаптарын орындамағаны үшін, «ҚазТрансОйл» АҚ-на қатысты Әкімшілік құқық бұзушылық туралы Кодексінің 164-бабының 4-бөлігі бойынша әкімшілік іс қозғалды. Бұл ретте, аталған құқық бұзушылық үшін айыппұл сомасы 4,6 млн. теңгені құрайды.

Алайда, «ҚазТрансОйл» АҚ-ы тарифтік ведомствоның шешімімен келіспей, әкімшілік құқық бұзушылық туралы істі қарау туралы өтінішті Нұр-Сұлтан қаласының Әкімшілік құқық бұзушылық жөніндегі мамандандырылған ауданаралық сотына жіберді.


Жоғары қарай