Ауа райы
Астана 3 °С
Алматы 0 °С
валюта бағамы
USD 435.54
EUR 473.08
RUB 5.76
CNY 61.64

Көкшетау қаласының тұрғындары екі күннен бері сусыз отыр

2020 жылдың 26 ақпан 2020 01:24

КӨКШЕТАУ. ҚазАқпарат – Көкшетау тұрғындарын сусыз қалдырған 800 миллиметрлі КНС 2 кәріз құбырын қалпына келтіру жұмыстары жалғасуда, деп хабарлайды ҚазАқпарат тілшісі.

Айта кетейік, «Көкшетау су арнасы» коммуналдық кәсіпорны әлеуметтік желідегі парақшасында облыс тұрғындарын ақпанның 24-і күнгі кешкі сағат 20:00-ден бастап, 25-ші ақпан күнгі сағат 14:00-ге дейін қала бойынша су беру уақытша тоқтатылатынын ескерткен болатын. Кейін бұл уақыт кешкі 20:00-ге дейін ұзартылды. Алайда, сағат 20:00-де де су берілмеді. Қазіргі кезде, қала дүкендеріндегі бутилендірліген суға деген сұраныс жоғары. Тіпті, кейбір дүкендерден 5 литрлік суды іздеп табу қиын. Тұрғындар жаппай сатып алуда. WhatsApp мессенджері арқылы Көкшетауда судың берілетін уақыты туралы түрлі әңгімелер тарап жатыр.

Көкшетау қалалық әкімдігіндегілер түсіндіргендей, апат ақпанның 24-інде түнгі сағат 00:30-да орын алған.

«Ақпанның 24-інде Бейбітшілік (Мир) көшесінің бойында диаметрі 800 миллиметрлі КНС 2 құбыры жарылды. Ұзақ уақыт (1978 жылы салынған) кәріздік коллекторларды пайдаланғандықтан құбыр майысқан. Қазіргі кезде «Көкшетау су арнасы» коммуналдық кәсіпорнынан 25 адам мен 10 арнайы техника, Ақмола облыстық ТЖД жеке құрамынан 8 қызметкер мен 4 техника жұмылдырылып, қалпына келтіру жұмыстарын жүргізуде. WhatsApp мессенджері арқылы тарап жатқан ақпаратқа сенбеңіздер. Барлық ресми ақпарат @7162akimdigi парақшасында жарияланады», - деп атап өтті Көкшетау қаласы әкімдігінің баспасөз қызметі Инстаграм парақшасында.


Жоғары қарай