Ауа райы
Астана -10 °С
Алматы -4 °С
валюта бағамы
USD 381.10
EUR 420.81
RUB 5.65
CNY 54.57

Көкшетауда автобус пен автомобиль соқтығысты, зардап шеккендер бар

2019 жылдың 5 шілде 2019 21:52

КӨКШЕТАУ. ҚазАқпарат - Көкшетауда автобус пен автомобиль соқтығысып, алты адам ауруханаға жеткізілді, деп хабарлайды ҚазАқпарат тілшісі.

Ақмола облыстық полиция департаменті баспасөз қызметінің мәлімдеуінше, 5 шілде күні 14:00-де Көкшетаудағы Н. Назарбаев даңғылы мен Әуелбеков көшесінің қиылысында жол апаты болған.

«№1 бағдарындағы «ПАЗ» маркалы автобус Әуелбеков көшесімен келе жатып, Н.Назарбаев көшесіне бұрыларда, Әуелбеков көшесімен келе жатқан Toyota Camry автомобиліне жол бермеген. Соның салдарынан екеуі соқтығысқан», - делінген хабарламада.

Оқыс оқиға салдарынан автобустың ішіндегі үш жолаушы, автомобильдің тағы үш жолаушысы - жалпы алты адам зардап шегіп, Ақмола облыстық ауруханасына жеткізілген.

«Қазір осы жол оқиғасы бойынша тексеріс жүріп жатыр, сот-медициналық сараптамалар белгіленген», - дейді полицейлер.

Автор: Оксана Матасова

Басты сөздер: Ақмола облысы, Оқиға, Көлік,
Жоғары қарай