Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Көкшетауда «Тәуелсіздік туын биік көтерген – Абылай хан» атты жылжымалы көрме ашылды

2021 жылдың 11 маусым 2021 18:30

КӨКШЕТАУ. ҚазАқпарат – Ақмола облысы мәдениет, архивтер мен құжаттамалар басқармасына қарасты Мәлік Ғабдуллин музейінде ҚР Тәуелсіздігінің 30 жылдығы мен «Абылай ханның 310 жылдығына арналған «Тәуелсіздік туын биік көтерген – Абылай хан» атты жылжымалы көрменің салтанатты ашылуы болып өтті, деп хабарлайды ҚазАқпарат тілшісі ведомствоның мәліметіне сілтеме жасап.

«Көкшетау – Қазастанның мәдени астанасы» жол картасы аясында Петропавл қаласындағы «Абылай хан резиденциясы» музей кешені ұсынған көрме Ақмола облысы әкімінің орынбасары Айна Мысырәлімова және жазушы, драмматург, «Тіршілік» ЖШС директоры Жабал Ерғалиевтің құттықтау сөзімен басталды.

Үш жүздің басын қосқан, қазақ тарихындағы ұлы мемлекет қайраткері Абылай хан мен Атығай Қарауылдың бетке ұстар биі Қанай шешен арасындағы достық пен селкеу түспеген сенімділік кешегі тарих беттерінде таңбаланып жазылып қалды. Қанай шешен қазақ халқының қаһарман ұлы, мемлекет және қоғам қайраткері Мәлік Ғабдуллиннің тоғызыншы атасы.




«Есіл-Көкше өңірінің түпкі тарихы бір-бірімен біте қайнасып жатқан, талай ұлыларды дүниеге әкелген қарағайлы-қасиетті мекен. Қос тұлғалық музейді байланыстыратын атақты тұлға Абылай ханның өмірі мен қызметіне арналған «Тәуелсіздік туын биік көтерген Абылай хан» атты көрмемен экскурсовод Назгүл Бейсенбина таныстырды», - деді Ақмола облысы мәдениет, архивтер мен құжаттамалар басқармасынның баспасөз хатшысы.

Іс-шараға көкшелік зиялы қауым және бұқаралық ақпарат құралдарының өкілдері қатысты.

Жылжымалы көрме маусымның 11- 25 күндері аралығында жұмыс істейді.








Жоғары қарай