Ауа райы
Астана -9 °С
Алматы -4 °С
валюта бағамы
USD 381.10
EUR 420.81
RUB 5.65
CNY 54.57

Көкшетауда ТҚС жұмысшысы клиентінің көлігін айдап әкеткен

2019 жылдың 23 шілде 2019 21:27

КӨКШЕТАУ. ҚазАқпарат – Көкшетауда техникалық қызмет көрсету орталығы аумағынан «Ланд Крузер» маркалы жол талғамайтын көлікті айдап әкеткен күдікті ұсталды, деп хабарлайды ҚазАқпарат тілшісі Ақмола облыстық ПД баспасөз қызметіне сілтеме жасап.

Ведомствоның мәліметінше, көлігінің жоғалғаны туралы оның иесі шілденің 22-де Көкшетау қалалық ПБ кезекшілік бөліміне хабарласқан. Зардап шегушінің сөзінше, жөндеуге қалдырылған «Ланд Крузер» маркалы жол талғамайтын көлігін облыс орталығындағы ТҚС аумағынан айдап әкеткен.


«Полиция дереу көлікті іздестіру шарасын қолға алды. Тәртіп сақшылары бейнебақылау камерасындағы жазбаны зерттеп, ТҚС жұмысшылары мен клиенттерінен түсініктеме алды. Шілденің 22-де осы қылмысқа қатысты аталмыш ТҚС жұмысшысы, 22 жастағы жергілікті тұрғын ұсталды», деп атап айтты ведомвсто өкілдері.

Қазіргі кезде, күдіктінің үстінен ҚР ҚК 200 бабы (көлік ұрлау) бойынша іс қозғалып, сотқа дейінгі тергеу амалдары жүргізілуде. Автокөлік заңды иесіне қайтарылды.

Жоғары қарай