Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Көп пәтерлі үйлердің 75%-да серіктестік және меншік иелерінің бірлестігі құрылды

2022 жылдың 24 қаңтар 2022 18:14

НҰР-СҰЛТАН.ҚазАқпарат - E-gov порталында электрондық цифрлық қолтаңбаның (ЭЦҚ) көмегімен пәтер иелерінің жиналысын өткізуге және үйді басқару нысанына қатысты дауыс беруге болады, деп хабарлайды ҚазАқпарат ҚР Индустрия және инфрақұрылымдық даму министрлігінің баспасөз қызметіне сілтеме жасап.

Бүгінгі таңда Қазақстанда 34 933 үй басқарудың жаңа түріне көшті. Оның ішінде 2 852 үйде мүлік иелерінің бірлестігі (МИБ), 32 081 үйде жай серіктестік құрылды. Бұл - елдегі көп пәтерлі тұрғын үй қорының 75%-дан астамы.

Басқарудың жаңа нысандарына көшкен көп пәтерлі үйлер саны Алматы қаласында (3523), Шығыс Қазақстан (2789), Ақмола (2523) және Қостанай (2451) облыстарында көп.

Естеріңізге сала кетейік, көп пәтерлі тұрғын үйлерді басқару саласында жұмыс істеп келе жатқан пәтер иелерінің кооперативтері 2022 жылғы 1 шілдеге дейін қызмет ете алады. Осы мерзімнен кейін олар акт бойынша барлық техникалық, қаржылық және өзге де құжаттарды үй кеңестеріне беріп, заңнамада айқындалған тәртіппен таратылуы тиіс.

МИБ-ке көшу рәсімін жеделдету үшін E-Gov порталында жаңа нысанды тіркей отырып, электрондық дауыс беру қызметі іске қосылған.

Авторландыру ЭЦҚ көмегімен жүргізіледі. Онда автоматты түрде тіркеуден өтуге, «меншік иесі» мәртебесін растауға және өз үйі бойынша дауыс беруге бастама көтеруге болады. Жиналыстың күн тәртібін айқындағаннан кейін меншік иелері жиналысқа сілтеме бойынша кіріп, таңдауын жасап, ЭЦҚ-мен қол қояды.

Үйді басқарудың жаңа формалары туралы zhkh.kz порталынан толығырақ білуге болады. Ал тақырыпқа қатысты сұрақтарыңызды suraqtar.kz сайтында қоя аласыздар.


Жоғары қарай