Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Коронавирус: Қазақстанда карантин мерзімі қысқаруы мүмкін

2022 жылдың 18 қаңтар 2022 20:51

НҰР-СҰЛТАН. ҚазАқпарат – ҚР ДСМ санитарлық-эпидемиологиялық бақылау комитетінің төрағасы Айжан Есмагамбетова коронавируспен ауыратын науқастардың, симптомсыз және байланыста болғандардың карантинін қысқарту туралы пікір білдірді, деп хабарлайды ҚазАқпарат.

«Қазіргі уақытта Ресей карантинді 7 күнге дейін қысқартатындарын мәлімдеді. Қазақстанда мұндай мәселе қарастырылып жатыр ма?», - деп сұрақ қойды журналист Орталық коммуникациялар қызметінде.

«Иә, біз жұма күні әріптестерімізбен ZOOM-кездесу өткіздік, халықаралық тәжірибені зерттедік. Шынында да, әлемде қазір карантин мерзімі қысқарып келеді. Әзірге біз бас мемлекеттік дәрігердің қаулы жобасына байланыста болған және симптомсыз адамдар 10 күнге дейін карантинде болады деп енгізуді қарастырып отырмыз», - деді Айжан Есмағамбетова.

Спикер жетінші тәулікте тестілеу өткізіп, теріс нәтиже болған жағдайда 7 күннен кейін карантинді аяқтап, жұмысқа шығу құқығы берілетінін айтты.

«Егер тестілеу қандай да бір себептермен өткізілмесе, тіпті тестілеу жасағысы келмейтін азаматтар бар, олар карантиннің аяқталуын күтеді. Олар үшін карантин 10 күн бойы сақталады. Яғни, 10 күннен кейін олар ПТР-тест тапсырмай, карантинді аяқтап, жұмысқа шыға алады», - деп нақтылады комитет төрағасы.

Айта кетейік, қазіргі уақытта науқастар үшін карантин мерзімі 14 күнді құрайды.


Жоғары қарай