Ауа райы
Астана 25 °С
Алматы 27 °С
валюта бағамы
USD 412.55
EUR 468.66
RUB 5.79
CNY 58.80

Коронавирус: СҚО-да мессенджер арқылы жалған ақпарат тарап жатыр

2020 жылдың 5 сәуір 2020 12:49

ПЕТРОПАВЛ. ҚазАқпарат – Солтүстік Қазақстан облысында WhatsApp мессенджері арқылы аудан тұрғындарына қауіпті екпе ұсынылып жатқаны туралы хабарлама тараған, деп хабарлайды ҚазАқпарат тілшісі.

Хабарламада солтүстікқазақстандықтарды ешкімге есік ашпауға, әсіресе вирустық инфекцияға тест жасап, екпе қоямыз деп келетін дәрігерлер мен полицейлерді үйге кіргізбеуге шақырған. Тараған мәтін бойынша, бұл екпе адам өмірі үшін қауіпті.

«Солтүстік Қазақстан облыстық полиция департаменті ресми түрде мәлімдейді: бұл жалған ақпарат. Полиция пәтерлерді тексеретін дәрігермен бірге жүрмейді, олар төтенше жағдай кезінде қоғамдық тәртіп пен жол қауіпсіздігін қамтамасыз етеді. ТЖ уақытында тәртіп сақшылары тәулік бойы блокпосттарда тұрып, коронавирус инфекциясы ошақтарын қорғайды», - деп мәлім етті полиция департаменті басшысының бірінші орынбасары Қанат Айтбаев.

Полицейлер тұрғындарды тек ресми дереккөздер таратқан тексерілген ақпаратқа ғана сенуге және бұқаралық ақпарат құралдарын күмәнді хабарламаларды таратпауға шақырады. Жалған ақпарат таратқаны үшін қылмыстық жауапкершілік қарастырылған.


Жоғары қарай