Ауа райы
Астана -12 °С
Алматы -4 °С
валюта бағамы
USD 421.58
EUR 496.83
RUB 5.53
CNY 62.20

Коронавируске қарсы қазақстандық вакцинаның 1 дозасы қанша тұрады

2020 жылдың 13 қараша 2020 02:48

НҰР-СҰЛТАН. ҚазАқпарат - Елімізде коронавирус індетіне қарсы әзірленіп жатқан вакцинаның болжамды бағасы айтылды, деп хабарлайды ҚазАқпарат тілшісі.

«COVID-19 індетіне қарсы әзірленген отандық вакцинаның құнына келсек, вакцинаның 1 дозасын әзірлеуге 2,5 АҚШ доллары жұмсалуда. Бұл вакцинаның ғана бағасы. Одан бөлек, оны тасымалдау яғни жеткізу және басқа да шығындарды есептеңіз. Сондықтанда вакцинаның 1 дозасының түбегейлі бағасы 2,5 доллардан қымбат болады деп ойлаймын. Соған қарамастан біздегі мәліметтерге сәйкес, қазақстандық вакцинаны өз бағасындағы арзан өнім деп айтуға болады», - деді ҚР Білім және ғылым министрлігі Ғылым комитеті Биологиялық қауіпсіздік проблемалары ғылыми-зерттеу институтының бас директоры Күнсұлу Закарья «GYLYM TALKS» атты онлайн жоба барысында.

Оның айтуынша, отандық вакцинаны алдымен індет қаупі тобындағы адамдарға егу қажет.

«Олардың қатарына алдымен медицина мамандары жатады. Өйткені, әлемнің барлық елдерінде бір ғана тактика бар, яғни вакцинаны алдымен қауіпті топқа жататын және солармен байланысқа түсетін адамдарға егу. Вакцина - ол профилактилкалық құрал. Және ол ағзаны індет жұққан жағдайда иммундық тұрғыдан қарсы тұруға дайындайды», - дейді ол.

Бұған дейін коронавирус індетіне қарсы әзірленген қазақстандық вакцинаның 3 мың еріктіге сынақ жасалатыны туралы хабарлаған болатынбыз.


Жоғары қарай