Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Коронавирустан қайтыс болған адамды жерлеу рәсімінде қандай өзгеріс бар

2021 жылдың 5 мамыр 2021 18:17

НҰР-СҰЛТАН. ҚазАқпарат - Коронавирустан қайтыс болған адамды жуындыру рәсіміне туған-туыстарынан екі адам ғана қатыса алады. Бұл туралы ҚР Денсаулық сақтау вице-министрі Ажар Ғиният айтты, деп хабарлайды ҚазАқпарат тілшісі.

«Қазіргі уақытта жерлеу рәсімі республиканың Бас мемлекеттік санитар дәрігерінің қаулысына сәйкес реттеліп, жүргізіледі. Коронавирус инфекциясынан қайтыс болған адамның мәйіті арнайы орында, яғни паталогоанатомиялық моргтарда, бөлімшелерде жуындыру керек. Осы жуындыру рәсіміне туған-туыстарынан екі адам қатыса алады. Туыстары кіргізбес бұрын қорғаныш киімдермен, құралдармен қамтамасыз етіледі. Мәйіт жуындырылғаннан кейін жерлеу үшін туған-туыстарына беріледі», - деді вице-министр

Оның айтуынша, жаназа рәсіміне марқұмның тек туған-туыстары қатысып, ара қашықты сақтауы, маска тағуы қажет.

«Бүгінгі таңда жуындырылып берілген мәйітті діни қызметшілерге немесе туған-туыстарына ұстауға болмайды. Барлық мәйіттер жалпы зираттарға жерленіп жатыр. Бүгінгі жерлеу әдісі осындай», - деді Ажар Ғиният.


Жоғары қарай