Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Коронавирустың жаңа штамы әлем биржасындағы бағаға әсер етті

2021 жылдың 27 қараша 2021 12:03

НҰР-СҰЛТАН. ҚазАқпарат - Жұма күні жаңа вирус түрі туралы жаңалық әлемдік биржадағы мұнай бағасының 12%-ға төмендеуіне әкеліп соқты. Бұл соңғы бір жарым жылдағы ең үлкен құлдырау, деп хабарлайды ҚазАқпарат ВВС-ге сілтеме жасап.

Энергетикалық дағдарыстың жалғасуына қарамастан, инвесторлар пандемияның жаңа толқыны адамдардың қозғалысын айтарлықтай шектеп, отынға деген сұранысты төмендетіп, жалпы экономикалық өсуді баяулатады деп үрейленіп отыр.

Соған қарамастан, алтын қымбаттап жатыр.
Егер отынға сұраныс төмендей берсе, әлемдік экономиканы қалпына келтіру одан да ұзақ және күрделі болады. Әсіресе, әуе компаниялары мен туристік кәсіпорындардың акциялары 10-15%-ға төмендеді. Бірақ ДДСҰ өкілдері барлық елдерді дүрбелең тудырмауға және жаңа шектеулер енгізуге асықпауға шақырып жатыр.
Нью-Йорк биржасындағы Dow Jones индексі бір күнде 2,5%-ға төмендеді.

Еске салсақ, Оңтүстік Африка Республикасында коронавирустың 1.1.529 атауы бар жаңа мутациясы анықталған еді.

Бұл нұсқа бұрынғыларға қарағанда әлдеқайда жұқпалы және вакциналардың оған әсері тиімсіз болуы әбден мүмкін екендігі айтылды. Коронавирустың қауіпті делінген жаңа штамына «Омикрон» деген атау берілді.



Басты сөздер: Әлем, Әлемдегі коронавирус,
Жоғары қарай