Ауа райы
Астана 15 °С
Алматы 19 °С
валюта бағамы
USD 405.69
EUR 455.51
RUB 5.72
CNY 57.42

Қостанай мектептеріне 6 мыңға жуық компьютер сатып алынды

2020 жылдың 31 мамыр 2020 08:45

ҚОСТАНАЙ. ҚазАқпарат – Қостанай облысында мектептерді компьютерлер және интернетпен қамтамасыз ету үшін қомақты қаржы бөлінеді, деп хабарлайды ҚазАқпарат облыстық білім басқармасының басшысы Василий Цымбалюкке сілтеме жасап.

Өңірде білім саласын қаржыландыру көлемі екі есеге артқан. Соның нәтижесінде мектеп инфрақұрылымын дамытуға мол мүмкіндік туып отыр. Мәселен, биыл жаңадан 3 мектеп бой көтереді. 130- ға жуық білім беру ғимараттарына жөндеу жүргізу жоспарланған. Басты көрсеткіш – білім саласын цифрландыру жұмыстары жақсарды.

«Облыс мектептеріне 6 мыңға жуық жаңа компьютер сатып алынды. Оған шамамен 1,4 миллиард теңге бөлінді. Мектептердің 80 пайызы компьютерлермен жарақтандырылды. Карантин режимі енгізілгелі қашықтан оқуға көштік. Бұл цифрлық білім берудің қажеттілігін көрсетті. Білім нысандарын кең жолақты интернетпен қамтамасыз ету мақсатында бюджеттен 153 млн теңге қарастырылды. Жалпы, соңғы үш жылда меценаттардың көмегімен өңірде 66 IT-сынып пен 31 робототехника кабинеті ашылды», - деді Василий Цымбалюк.

Басқарма басшысы айтқандай, оқушылардың жазғы демалысы қатаң бақылауға алынады. Санитарлық- эпидемиологиялық талаптар демалыс лагерьлерінде сақталады. Биыл облыс аумағында үш лагерь жұмыс істейді. Олар: Генерал Бәкіров атындағы демалыс базасы, «Лесная сказка» және «Алтынгүл» сауықтыру лагерлері. Демалыс аймақтарына ата-анасының қамқорынсыз қалған 400-дей жеткіншекке жолдама беріледі.


Жоғары қарай