Ауа райы
Астана 5 °С
Алматы 13 °С
валюта бағамы
USD 421.58
EUR 496.83
RUB 5.53
CNY 62.20

Қостанай облысында бюджет қаражатын жымқырған білім мекемелерінің басшылары сотталды

2020 жылдың 27 мамыр 2020 17:05

ҚОСТАНАЙ. ҚазАқпарат – Қостанай облысында білім саласында жемқорлыққа жол берген екі лауазымды тұлға қылмыстық жауапқа тартылды. Бұл туралы бүгін Қостанай облыстық мәслихатының кезектен тыс сессиясында белгілі болды, деп хабарлайды ҚазАқпарат.

Сессия барысында Қостанай облысы бойынша Тексеру комиссиясының төрағасы Дмитрий Костюковтың баяндамасы тыңдалды. Ол облыстық бюджеттің орындалу сапасы, аудит және сараптамалық-талдау іс-шараларының нәтижелеріне тоқталды.

«Бюджетті жүзеге асыруда 435,8 млн.теңге сомасында қаржылық бұзушылықтар анықталды. Оның ішінде 21,2 млн теңге облыстық ұйымдар бойынша есепке алынды. Бухгалтерлік есепті жүргізу кезінде 833,4 млн теңге ретсіз немесе заңсыз жұмсалған. 1315 құжатты рәсімдеу кезінде тәртіп бұзылған. Облыстық бюджеттен қаржыландырылатын объектілер бойынша 32 заңбұзушылық тіркелді»,- деді Дмитрий Костюков.

Дмитрий Костюковтың айтуынша, қаржылық талаптардың бұзылуына қатысты 10 материал құқық қорғау органдарына жіберілді. Оның ішінде облыстық бюджеттен қаржыландырылатын 2 аудит нысаны бар.

«Екі лауазымды тұлға әр түрлі мерзімге қылмыстық жауапқа тартылды. Олар 4,7 млн теңгеге жуық бюджет қаражатын ұрлағаны және ысырап еткені үшін сотталды. Атап айтқанда «Қамысты ауданы әкімдігінің білім бөлімі» мемлекеттік мекемесінің басшысы 1,1 млн теңгені жымқырса, Сарыкөл ауданы әкімдігінің білім бөлімінің «Бөбек» балабақшасы 3,6 млн теңгені ысырап еткен. Мемлекеттік аудит қорытындысы бойынша тексеру комиссиясы және уәкілетті органдар заңбұзушылықтарға жол берген тұлғаларға қатысты 170 хаттама толтырды», - деді Тексеру комиссиясының төрағасы.


Жоғары қарай