Ауа райы
Астана -2 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Қостанай тұрғыны Қазақстан халқының намысына тиетін видео үшін сотталуы мүмкін

2020 жылдың 23 қыркүйек 2020 22:13

ҚОСТАНАЙ. ҚазАқпарат – Қостанай облысында ұлтаралық араздықты қоздырған Рудный тұрғынына қатысты қылмыстық іс қозғалды, деп хабарлайды ҚазАқпарат.

Облыстық Полиция департаменті баспасөз қызметінің мәліметінше, әлеуметтік желі арқылы тараған видео тексеріліп жатыр. Рудный тұрғыны украиналық блогермен болған әңгіме барысында Қазақстан Республикасының мемлекеттік тілін, жерін қорлап, қазақ халқының ар-намысына тиетін сөздер айтқан. Кейінірек әлеуметтік желіде оның аты-жөні мен мекенжайы туралы мәлімет тарап кетті.

«Әлеуметтік желіге мониторинг жүргізу барысында полицейлер YouTube арнасынан аталмыш видеоны анықтап, шұғыл тексеріс жүргізді. Қазір күдіктінің тұлғасы анықталып, тергеу шаралары басталды. Күдікті 7 жылға дейін бас бостандығынан айырылуы мүмкін», - деп мәлімдеді Қостанай облысының полиция департаменті.

Айта кетейік, күдікті көп ұзамай видео арқылы кешірім сұрады.


Жоғары қарай