Ауа райы
Астана 13 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Қостанайлық жігіт терезеден құлағалы тұрған сәбиді құтқарды

2020 жылдың 22 мамыр 2020 22:47

ҚОСТАНАЙ. ҚазАқпарат – Қостанай қаласында көшеде кетіп бара жатқан жігіт терезеден құлағалы тұрған баланы құтқарып қалды, деп хабарлайды ҚазАқпарат.

Куәгерлердің айтуынша, оқиға бүгін сағат 18:30 шамасында Қостанай-2 шағын ауданында болған. Instagram қолданушылары әлеуметтік желіге видеоны жүктеді. Ер адам екінші қабаттағы ашық терезеден қарап тұрған сәбиге газ құбыры арқылы көтерілген.

«Бәріміз аулада жүрген едік. Кенет үйдің екінші қабатындағы терезеге шығып кеткен баланы көрдік. Сол уақытта жас жігіт жүгіріп келіп, сәбиді құтқаруға кірісті», - дейді Самал есімді оқиға куәгері.

Көршілердің сөзінше, бала үйде қараусыз қалған.

Айта кетейік, Төтенше жағдайлар департаменті қайғылы оқиғаларды болдырмау үшін терезеге бала өздігімен аша алмайтын бұғаттауыштар орнату қажеттігін ескерткен еді.



Жоғары қарай