Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ҚР Бош вазири: Қозоғистон Осиё ва Европа ўртасидаги транзит кўприкдир

2021 жылдың 13 қазан 2021 13:01

ALMATY. Kazinform - Осиё ва Европа ўртасидаги транзит кўприги. Бу ҳақда Қозоғистон бош вазири Aсқар Мамин Олмаотада бўлиб ўтган TransLogistica Kazakhstan-2021 халқаро кўргазмаси иштирокчиларига йўллаган табригида айтиб ўтди, деб хабар беради Kazinform.

«Евроосиё қитъасининг муҳим транспорт тармоқлари ўртасида жойлашган Қозоғистон Осиё ва Европа ўртасидаги транзит кўприк ва ишончли шерикдир, буни кўргазма ва конференциянинг халқаро ходимлари тасдиқлайди.

»Ишончим комилки, TransLogistica Kazakhstan-2021 халқаро кўргазмаси транзит ва транспорт салоҳиятини ривожлантиришга, узоқ муддатли ва ўзаро манфаатли ҳамкорликни янада мустаҳкамлашга ҳисса қўшади«,-деб Ҳукумат раҳбарининг табригини ўқиб берди ҚР Индустрия ва инфратузилмаларни ривожлантириш вазири ўринбосари Берик Камалиев.

Вазир ўринбосари ўз нутқида сўнгги 15 йил ичида Қозоғистон транспорт секторига қарийб 35 миллиард доллар сармоя ётқизилганини таъкидлади.

«Қозоғистон транспорт соҳасини ва транспорт йўлакларининг транзит салоҳиятини ривожлантириш учун катта куч сарфламоқда. Ҳукумат ва Қозоғистон Республикаси Индустрия ва инфратузилмаларни ривожлантириш вазирлиги бир қатор тармоқ дастурларини амалга оширди, соҳанинг ҳуқуқий асосларини шакллантирди, транспорт хизматларини кўрсатиш учун қулай рақобат муҳитини яратди. Охирги 15 йил мобайнида мамлакат транспорт секторига қарийб 35 миллиард AҚШ доллари миқдорида сармоя киритилди.

Унга кўра, бугунги кунда Қозоғистон орқали 11 та халқаро транзит йўлаклари ўтади (5 та темир йўл ва 6 та автомобиль йўли). Республика, вилоят ва туман аҳамиятидаги автомобиль йўлларининг умумий узунлиги қарийб 100 минг км. Темир йўл узунлиги - 21 минг км.

Қозоғистонда 20 та аропорт бор, улардан 18 таси Халқаро фуқаро авиацияси ташкилоти (ICAО) талабларига жавоб беради.

Жорий йилнинг 2-11 август кунлари ўтказилган ISVM доирасида ICAО халқаро хавфсизлик стандартларига мувофиқлик даражасини оширди (84%гача). ICAОнинг объектив баҳоси Қозоғистон Республикаси Индустрия ва инфратузилмаларни ривожлантириш вазирлиги томонидан олиб борилган ислоҳотларнинг ижобий таъсирини кўрсатади.

Басты сөздер: Табрик, ҚР Бош вазири,
Жоғары қарай