Ауа райы
Астана 15 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

ҚР Индустрия және инфрақұрылымдық даму вице-министрі тағайындалды

2019 жылдың 30 шілде 2019 19:23

НҰР-СҰЛТАН. ҚазАқпарат - Талғат Жанжүменов ҚР Индустрия және инфрақұрылымдық даму вице-министрі болып тағайындалды. Бұл туралы ҚР Премьер-Министрінің баспасөз қызметінен мәлім етті, деп хабарлайды ҚазАқпарат.

«ҚР Үкіметінің қаулысымен Талғат Жеңісұлы Жанжүменов ҚР индустрия және инфрақұрылымдық даму вице-министрі лауазымына тағайындалды», - делінген ақпаратта.

Т. Жанжүменов 1968 жылы Шығыс Қазақстан облысында дүниеге келген. Ленин комсомолы атындағы Вольск Жоғары әскери тыл училищесін, РФ Қорғаныс министрлігінің Әскери тыл және көлік академиясын, РФ Қарулы күштері Бас штабының Әскери академиясын тәмамдаған. Жоғары арнайы әскери, оперативті-стратегиялық білімі бар офицер.

Еңбек жолын 1989 жылы танк полкінің азық-түлік қызметінің басшысы болып бастады. Түрлі жылдары ҚР Әскери әуе күштерінде, ҚР Қарулы күштерінде, ҚР Қорғаныс министрлігінде, ҚР Республикалық гвардиясында, ҚР Қауіпсіздік Кеңесінде қызмет атқарды.

2001–2006 жылдары — ҚР Республикалық гвардия қолбасшысының орынбасары.

2008–2010 жылдары — ҚР Қарулы күштерінің тыл бастығы.

2010–2013 жылдары — ҚР Қорғаныс министрінің орынбасары.

2014–2015 жылдары — ҚР Президенті Әкімшілігінің Қауіпсіздік Кеңесі Хатшылығының меңгерушісінің орынбасары.

2015–2016 жылдары — ҚР Қауіпсіздік Кеңесінің Әскери қауіпсіздік және қорғаныс бөлімінің меңгерушісі.

2016 жылғы қазаннан бастап 2019 жылғы сәуірге дейін ҚР қорғаныс министрінің орынбасары қызметін атқарды.

2019 жылғы сәуірден бастап қазіргі таңға дейін ҚР цифрлық даму, қорғаныс және аэроғарыш өнеркәсібі бірінші вице-министрі қызметін атқарды.

Жоғары қарай