Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

«ҚТЖ» 7 айда 52,1 млн тонна экспорттың жүгін тасымалдаған

2021 жылдың 6 тамыз 2021 11:26

НҰР-СҰЛТАН. ҚазАқпарат – «Қазақстан темір жолы» ұлттық компаниясы 7 айдағы темір жол көлігімен жүк тасымалдау қызметін қорытындылады, деп хабарлайды тілшісі.

«Самұрық Қазына» ақпарат алаңында өткен брифингіде «Қазақстан темір жолы» ҰК» АҚ басқарма төрағасының орынбасары Оралхан Құлақов былтырғымен салыстырғанда жүк тасымалында өсім бар екенін атады.

«Өткен айда «ҚТЖ» желісі бойынша 147 млн тоннадан астам жүк тиелді. Бұл өткен жылмен салыстырғанда 4,4 млн тонна артық. Республика ішінде 95,3 млн тоннадан астам, ал экспортқа 52,1 млн тоннадан астам жүк тасымалданған. Былтырғы қаңтар-шілдемен салыстырғанда Қазақстан мен Қытай арасындағы жүк тасымалдау көлемі 5 пайыз өсіп, 12,7 млн тоннаға жетті. Екі ел арасындағы тасымалдарды арттырудың алғышарттарының бірі – жүктерді контейнерлерге тиеу», - деді «ҚТЖ» өкілі.

Сондай-ақ, ол қазір Үкімет деңгейінде бизнес қауымдастықтардың, «ҚТЖ» және басқа да мүдделі тарап өкілдерінің қатысуымен жүктерді контейнерлеу туралы жол картасы әзірленіп жатқанын атады.

«Контейнерлеу мәселесіне кеңінен тоқталғым келеді. Бүгінде осындай фундаменталды тәсіл керек. Тасымалдаушылардың бәрін қазір Қытай бағытына жүк жөнелту бойынша проблема бар», - деді «ҚТЖ» басқарма төрағасының орынбасары.


Автор Есімжан Нақтыбай
Басты сөздер: ҚТЖ, Логистика, Көлік,
Жоғары қарай