Ауа райы
Астана 13 °С
Алматы 12 °С
валюта бағамы
USD 385.42
EUR 424.58
RUB 6.00
CNY 54.31

Құлаған тұрғын үйдің орнына 31 жер үй салынады - Қызылорда облысының әкімі

2018 жылдың 19 наурыз 2018 15:43

ҚЫЗЫЛОРДА. ҚазАқпарат - Бүгін облыс әкімі Қырымбек Көшербаев Арал қаласындағы құлаған тұрғын үйге арнайы барып, тұрғындармен жүздесті. Бұл туралы облыс әкімінің баспасөз жетекшісі Салтанат Шаханова айтты, деп хабарлады ҚазАқпарат тілшісі.

Кездесуде облыс әкімі облыстық бюджеттен қаржы бөлініп, алдағы 4-5 ай көлемінде 31 жер үй салынатынын жеткізді. Осы жаңа қоныстан құлаған үйде заңды тіркеуде тұрған 16 отбасына баспана берілмек. Мұнан басқа Арал қаласында тозығы жеткен 8 үйдің тұрғындары да жаңа салынатын үйлерге қоныстанатын болды. Қалғандарын әкімдікте кезекте тұрған тұрғындар иеленеді.

Тұрғындар аймақ басшысының апатты жағдайды бірден шешуге жасаған батыл қадамына ризашылықтарын білдірді. «Біздер мәселе бұлай тез шешімін табады, деп ойлаған жоқпыз. Бұл да болса облысымыздың экономикасы қарыштап дамып келе жатқанының белгісі деп ойлаймын. Қиын сәтті жұртымен бірге бола білген облыс әкіміне алғысымыз шексіз»,-деді тұрғындар атынан Оразгүл Лашынова.



null

Өңір басшысы аз қамтылған отбасыларының әрбірінен бір адамнан жұмысқа орналастыру жөнінде аудан әкіміне тапсырма берді.

Қазіргі күні жатақхананың 15 отбасы арнайы қабылдау орталықтарында тұрып жатыр. Оларға уақтылы ыстық тамақ берілсе, оқушылар үшін арнайы автобус бөлінген.




null

Жоғары қарай