Ауа райы
Астана 21 °С
Алматы 18 °С
валюта бағамы
USD 405.69
EUR 455.51
RUB 5.72
CNY 57.42

Күн сайын инфекциядан емделгендер саны артып келеді - Айжан Есмағамбетова

2020 жылдың 2 маусым 2020 16:02

НҰР-СҰЛТАН. ҚазАқпарат – Қазақстанда коронавирустан емделгендер саны күн сайын артып келеді. Бұл туралы ҚР Бас мемлекеттік санитар дәрігері Айжан Есмағамбетова мәлім етті, деп хабарлайды ҚазАқпарат тілшісі.

«Қазақстанда коронавирус жұқтырған адамдар саны 11 571 болды, 41 науқас қайтыс болды. Күн сайын инфекциядан емделген саны артып келеді. Қазіргі кезде адамдар жұмыстарына оралып жатыр, көшеде жүру талаптары жеңілдетілді», - деді А. Есмағамбетова.

Оның пайымынша, әлеуметтік қарым-қатынастың артуы инфекцияның таралуының жоғарылауына алып келуі мүмкін.

«Атап айтқанда, теңгерімді және инфекция таралуының бақыланатын деңгейін сақтау көбіне тұрғындардың өздеріне байланысты. Бұл тұрғыда әр адам өз орнында профилактика шараларын орындау деңгейіне қатысты болып тұр. Бизнес нысандары, жұмыс берушілер, сондай-ақ тұрғындар қызмет алатын жерлерде тиісті ережені сақтап, індеттің таралмауына үлесін қосуы тиіс», - деді Бас мемлекеттік санитар дәрігері.

Бұдан бұрын хабарланғандай, Қазақстанда коронавирус жұқтырған бұқаралық ақпарат құралдарының жеті өкілі тіркелді.


Жоғары қарай