Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Құтқарушылар Қапшағай жағалауынан жоғалып кеткен төрт баланы тапты

2021 жылдың 26 шілде 2021 12:19

АЛМАТЫ ОБЛЫСЫ. ҚазАқпарат – Жексенбі күні қапшағай су қоймасының жағалауында демалушылар санының көптігінен төрт бала жоғалып кетті, деп хабарлайды ҚазАқпарат тілшісі.

Балалардың жоғалғаны тралы хабарлама Алматы облысы Төтенше жағдайлар депаратаментіне (ТЖД) 25 шілде күні сағат 15:00-ден кейін келіп түскен. Соңғысы кешке 19:00 шамасында жоғалған.

Оқиға адам көп жиналатын жерде Қапшағайдың оңтүстік және солтүстік жағалауында болған. Адасып кеткен балалар 5-10 жас шамасында.

Балаларды іздеуге олардың ата-аналарына көмекке Қапшағай өңірінің Жедел іздестіру жасағының құтқарушыларынан жасақталған топ пен Қапшағай қаласының ТЖ бөлімінің жедел тобы келді.

«Барлық бала аман-есен табылды. Олардың барлығы жағалауда болған. Кейбіреулерін ата-аналары тапса, кейбіреулерін құтқарушылар тапты. Балалардың ешқайсысы медициналық көмекті қажет етпейді. Алматы облысының ТЖД қайғылы жағдайларға жол бермес үшін азаматтардан балаларын қараусыз қалдырмауды сұрайды», - деп атап өтті Алматы облысының ТЖД баспасөз қызметі.








Басты сөздер: Оқиға, Алматы облысы,
Жоғары қарай