Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қымбатшылықпен күрес: Өткен аптада 5 өңірде баға өсімі тіркелді

2021 жылдың 11 желтоқсан 2021 13:15

НҰР-СҰЛТАН. ҚазАқпарат - Қазақстан Республикасы Премьер-Министрінің бірінші орынбасары Әлихан Смайылов әлеуметтік маңызы бар азық-түлік тауарларының бағасын реттеу мәселелері бойынша кеңес өткізді, деп хабарлайды primeminister.kz.

Өткен аптада баға өсімі еліміздің үш аймағында – Нұр-Сұлтан қаласы, Батыс Қазақстан және Қызылорда облыстарында тіркелді.

Ең көп өсім Түркістан облысында және Алматы қаласында байқалды.

Атап айтқанда, қырыққабат 0,7%-ға, қарақұмық жармасы, айран 0,4%-ға, сүт, тұз 0,3%-ға қымбаттады.

Қазақстан Республикасы Премьер-Министрінің бірінші орынбасары Ә. Смайылов алдағы мереке күндерін ескере отырып, бағаны қадағалау, тұрақтандыру қорларын қалыптастыру және сауда желілерімен жұмыс жасауды күшейтуді әкімдіктерге қатаң тапсырды.

ҚР Ауыл шаруашылығы министрлігі ішкі нарықта тапшылықтың алдын алу және бағаны тұрақтандыру мақсатында мал мен көкөніс экспортына шектеу қою жұмыстарын жүргізуде.

Ауыл шаруашылығы министрлігі шектеулер күшіне енгенге дейін ішкі нарықтағы жағдайды күнделікті бақылап, талдау жүргізеді.

«Өңірлер бағаны белгілеу және делдалдық тізбектерді талдау бойынша өңірлік комиссиялардың жұмысын белсенді жүргізу және ӘМАТ бағасының тұрақтылығын қамтамасыз етуі қажет», — деді Ә. Смайылов.

Монополияға қарсы органның ақпаратына сәйкес, жыл басынан бері өндірушілер мен көтерме жеткізушілерге қатысты 111 ескерту жіберіліп, 16 тексеру тағайындалды, бұзушылықтарды жою туралы 20 ұйғарым, 11 ескерту, өндірушілер, көтерме жеткізушілер және бөлшек сауда желілерімен 186 монополияға қарсы заңнаманы сақтау актісі қабылданды.

Сауда үстемеақысының 15%-дан асуы бойынша 75 жағдай тіркелді.


Жоғары қарай