Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қытайда құйыннан 12 адам қаза тауып, 400-ден астамы зардап шекті

2021 жылдың 16 мамыр 2021 10:21

БЕЙЖІҢ. ҚазАқпарат - Қытайдың Ухань және Сучжоу қалаларында жойқын торнадодан 12 адам қаза тауып, 400-ден астам тұрғын жарақат алды, деп хабарлайды ҚазАқпарат Global Times басылымына сілтеме жасап.

Қытай газеті таратқан мәліметке сенсек, Орталық Қытайдың Хубей провинциясында орналасқан Ухань қаласында табиғат апатынан 8 адам мерт болған, 280-і зардап шекті.

Сенбі күні таңертең күшті жел мен құйыннан 480 тұрғын үй қирап, зақымданған. 8 мың шаршы метр аумақта құрылыс алаңындағы уақытша ғимараттар опырылып қалды.

Сол күні Уханьның Тяньхэ халықаралық әуежайында 87 рейс кешігіп ұшты, тағы 123 рейс мүлде кейінге қалды.

Шығыс Қытайдағы Цзянсу провинциясының Сучжоу қаласында дауылдан 4 адам көз жұмды. 149 тұрғын жарақат алды.

Үскірік желдің екпіні секундына 23,9 метрге жеткен.

Жоғары қарай