Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

«Қызыл» аймақтағы Атырау облысында эпидемиологиялық ахуал күрделене түсті

2022 жылдың 13 қаңтар 2022 15:36

АТЫРАУ. ҚазАқпарат – «Қызыл» аймақтағы Атырау облысында эпидемиологиялық ахуал күрделене түсті, деп хабарлайды ҚазАқпарат.

Облыстық денсаулық сақтау басқармасы баспасөз қызметінің ақпаратына қарағанда, 10 қаңтарда қауіпті вирустың белгісі 243 адамнан табылған.

«Коронавирус инфекциясын жұқтыру Атырау қаласында өршіп тұр. Мұнайлы қалада Covid-19 инфекциясының 193 жағдайы расталды. Ал, Теңіз кен орнында 30 науқас анықталды. Қызылқоға ауданында – 10, Құрманғазы ауданында 10 адам індетке шалдықты. Қауіпті вирустың симптомды белгісі 140 науқаста бар», - деп хабарлады басқарманың баспасөз қызметі.

Кеше коронавирус инфекциясынан 14 адам емделіп шыққан. Қазір 341 адам үй жағдайында емделу үшін оқшауланған. Ал, модульдік ауруханада – 170, Теңіз кен орнындағы инфекциялық стационарда – 176, аудандардағы стационарларда 17 пациент ем-дом қабылдап жатыр.

Еске сала кетелік, бұдан бұрын Атырау облысында коронавирус инфекциясын жұқтыру қайта өршігенін хабарлаған болатынбыз.


Жоғары қарай