Ауа райы
Астана 1 °С
Алматы 7 °С
валюта бағамы
USD 388.70
EUR 428.70
RUB 6.08
CNY 55.46

Қызылордада 14 жастағы жасөспірім суға батып кетті

2019 жылдың 24 мамыр 2019 07:23

ҚЫЗЫЛОРДА. ҚазАқпарат - Қызылорда қаласы аумағындағы Қараөзек стансасы маңындағы каналға шомылмақ болған 14 жастағы жасөспірім суға батып кетті, деп хабарлайды ҚазАқпарат тілшісі.

2005 жылы туған бала Қараөзек стансасындағы №128 негізгі мектепте 7 сыныпта оқиды. Дәл осындай жағдай Байқоңырда да тіркелді. Бұл қаладағы №272 мектептің 2 сынып оқушысы Сырдария өзенінің рұқсат етілмеген аумағында суға түсіп, тілсіз жаудың құрбанына айналды.

Қызылорда облысында жыл басынан бері 5 адам суға кеткен. Оның екеуі бала. Былтыр дәл осындай жағдайдан 22 адам көз жұмған. Облыстық төтенше жағдайлар департаментінің басшысы Омар Бержановтың айтуынша, қауіпсіздік ережелері сақтала бермейді. Ересектер балаларды бақылаусыз қалдырады. Сондай-ақ, облыста талапқа сай келетін жағажайлар санаулы. Оның бірі Шиелі ауданы аумағында тіркелсе, қалған екеуі Қызылорда қаласында орналасқан.

Облыс басшылығы тарапынан мұндай келеңсіз жағдайлардың алдын алу бағытында тиісті басқармалар мен жергілікті әкімдерге қауіпсіздік шараларына қатаң көңіл бөліну қажеттігі міндеттелді.

Автор Әділжан Үмбет
Басты сөздер: Оқиға, Қызылорда облысы,
Жоғары қарай