Ауа райы
Астана 28 °С
Алматы 34 °С
валюта бағамы
USD 412.55
EUR 468.66
RUB 5.79
CNY 58.80

Қызылордада полицей ұстаған жүргізуші көз жұмды

2019 жылдың 10 шілде 2019 20:59

ҚЫЗЫЛОРДА. ҚазАқпарат - Қызылордада мас күйінде көлік жүргізген жүргізуші көз жұмды, деп хабарлайды ҚазАқпарат тілшісі.

Қызылорда полиция департаментінің хабарлауынша, полиция қызметкері мас күйінде көлік жүргізген жергілікті тұрғынды тоқтатып, оны қызметтік автокөлікке отырғызуға әрекет жасаған сәтте жүргізуші есінен танып, жедел жәрдем келгенше көз жұмған.

Бұл оқиға 10 шілдеге қараған түні болған.

«Қызылорда қаласының 43 жастағы тұрғыны спирт ішімдігін ішіп автокөлік басқарған. Полиция қызметкерлері оған автокөлікті тоқтату жөнінде заңды талап қойған, бірақ ол талапқа бағынбаған. Мас күйінде көлік жүргізген азаматты тоқтатып, қызметтік автокөлікке отырғызу барысында ол кенеттен есінен танып, құлаған. Полицейлер бірден жедел жәрдем шақыртты, ол медициналық көмек келгенде көз жұмған. Сот-дәрігерлік сарапшының мәйітке сырттай қарау жүргізу барысында зорлық-зомбылық белгілері анықталған жоқ», - деді департаментінің баспасөз қызметі.

Оқиға бойынша тергеу амалдары жүргізілуде.

Автор Әділжан Үмбет
Басты сөздер: Оқиға, Қызылорда облысы,
Жоғары қарай