Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қызылордада тұрғын үй түгі қалмай өртеніп кетті

2021 жылдың 30 мамыр 2021 20:06

ҚЫЗЫЛОРДА. ҚазАқпарат - Қызылорда облысында тұрғын үй толығымен өртеніп кетті, деп хабарлайды ҚазАқпарат тілшісі.

Оқиға Жаңақорған ауданына қарасты Қожакент ауылында болды. Аудандық №14 өрт сөндіру бөліміне ауылдағы А.Әлиев көшесі бойындағы тұрғын үйде өрт болғандығы жөнінде хабар келіп түскен.

«Оқиға орнына жергілікті өрт сөндіру бөлімінен 1 автокөлікпен 5 қызметкер барды. Оған ауылдық округтен 6 ерікті өрт жасағы мен 2 техника жұмылдырылды. Өрттен 2 қабатты тұрғын үйдің қышпен қапталған 1 қабатында орналасқан тұрғын үй мен ішіндегі мүліктері толығымен өртеніп кеткен», - деді облыстық төтенше жағдайлар департаменті өрт сөндіру және авариялық құтқару жұмыстары қызметінен.

Алдын ала жасалған жорамал бойынша өрт газ плитасынан шыққан болуы мүмкін. Адам шығыны жоқ. Оқиғаның мән-жайы анықталуда.

Еске салсақ, бұдан бұрын Қызылордада көпқабатты үй өртеніп, 14 адам эвакуацияланды.



Автор Әділжан Үмбет
Басты сөздер: Қызылорда облысы, Оқиға,
Жоғары қарай