Ауа райы
Астана -6 °С
Алматы 3 °С
валюта бағамы
USD 421.58
EUR 496.83
RUB 5.53
CNY 62.20

Қызылордада заңсыз қару тасымалдаудың 5 дерегі тіркелді

2020 жылдың 25 қараша 2020 18:42

ҚЫЗЫЛОРДА. ҚазАқпарат - Қызылорда облысында «Құқық тәртібі» жедел профилактикалық іс-шарасы өткізілуде, деп хабарлайды ҚазАқпарат тілшісі.

Бұл шара облыс көлемінде қоғамдық тәртіпті сақтау және қылмыстың алдын алу мақсатында қолға алынды. Аталған шара 30 қарашаға дейін созылады.

Облыстық полиция департаментінің мәліметінше, іс-шараның алғашқы күнінде 290 әкімшілік құқық бұзушылық анықталған. Сондай-ақ, заңсыз қару тасымалдаудың 5 дерегі тіркелді.

Сырдария ауданында 23 жастағы азаматты ішкі істер органдарында тіркеуде жоқ бір ұңғылы, 12-калибрлі аңшы мылтығын заңсыз алып жүргені белгілі болды.

Ал Шиелі ауданы Қодаманов ауылының 39 жастағы тұрғын да тіркеуде жоқ бір ұңғылы аңшы мылтығын заңсыз алып жүргені анықталды.

«Аталған деректер бойынша ҚР Әкімшілік құқық бұзушылық кодексінің 482 бабымен әкімшілік хаттамалар рәсімделіп, сотқа жолданды. Бұл бағыттағы жұмыстар жалғасуда», - деп мәлім етті Қызылорда облыстық полиция департаментінің баспасөз қызметі.

Естеріңізге сала кетелік, Қызылордада жыл басынан бері 1 мыңға жуық адам мас күйінде көлік жүргізген.


Жоғары қарай