Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Қызылордада жыл басынан бері 114 адам коронавирус жұқтырған

2021 жылдың 21 қаңтар 2021 19:38

ҚЫЗЫЛОРДА. ҚазАқпарат - Қызылорда облысында жыл басынан бері 114 адам коронавирус жұқтырған. Оның басым бөлігі Қызылорда қаласында тұрады, деп хабарлайды ҚазАқпарат тілшісі.

Айта кетейік, облыста жыл басынан бері тіркелген 114 науқастың 90-ы Қызылорда қаласында тұрады.

Сондай-ақ, Жаңақорғанда - 13, Қармақшыда - 4, Жалағаш пен Шиеліде - 3, Сырдарияда - 1 адам қатерлі індетке шалдықты.

«Соңғы тәулікте коронавирус инфекциясын жұқтырудың 6 дерегі Қызылорда қаласында тіркелді. Айта кетерлігі, 4 науқастан жөтел, әлсіздік, дене температурасының жоғарылауы, дененің ауырсынуы секілді ауру симптомы байқалған. Ал 2 адамнан аурудың клиникалық белгісі анықталған жоқ. Тұрғындардан барлық сақтық шараларына назар аударуын сұраймыз», - дейді Қызылорда облысы санитариялық-эпидемиологиялық бақылау департаментінің баспасөз қызметі.

Қазір өңірде коронавирус инфекциясымен тіркелген науқастар саны - 3 506.

Өңірлік коммуникациялар қызметінің мәліметінше, індеттен айыққан науқастар саны 3408 адамға жетті. Соңғы тәулікте 7 науқас емделіп шықты.

Бүгінде инфекциялық стационарда - 27, ал стационардың реанимация бөлімінде 3 науқас ем алып жатыр.

Естеріңізге сала кетелік, Қызылорда облысында 134 дәріге шекті баға енгізілді.


Жоғары қарай