Ауа райы
Астана 6 °С
Алматы 15 °С
валюта бағамы
USD 421.58
EUR 496.83
RUB 5.53
CNY 62.20

Ливанда жарақат алғандар саны 2500 адамнан асты

2020 жылдың 5 тамыз 2020 01:32

БЕЙРУТ. ҚазАқпарат – Ливан астанасы Бейрут қаласында болған жойқын жарылыс салдарынан кемінде 27 адам көз жұмып, жарақат алғандар саны 2500-ден асты, деп хабарлайды ВВС.

Агенттіктің Ливан денсаулық сақтау министрі сөзіне сілтеме жасай отырып хабарлауына қарағанда, Бейрут қаласындағы жарылыстан кемінде 27 адам көз жұмып, жарақат алғандар саны 2500-ден асқан.

Қазіргі кезде ауруханалар жаралыларға толып, көптеген ғимарат бұзылған.

Еске салсақ, Ливандағы қазақстандық дипломаттардың ақпараты бойынша, ағымдағы жылғы 4 тамызда жергілікті уақыт бойынша сағат 18:00 шамасында Бейруттағы теңіз портының базасында бірнеше қатты жарылыс болды. Жақын маңда орналасқан үйлерде, сондай-ақ жарылыс эпицентрінен бірнеше шақырым жерде орналасқан ғимараттарда терезелері шағылды.

Жергілікті биліктің алдын-ала ақпараты бойынша, теңіз портында пиротехникасы бар кеме жарылған. Жарылыс салдарынан Ливандағы ҚР дипломатиялық миссиясының ғимаратына зиян келді. Бейруттағы жарылыстан Қазақстан консулы жарақат алды.



Басты сөздер: Әлем,
Жоғары қарай